May Akda
Gerardo Torres
Mga Tauhan
- Tagapagsalaysay - Isang bading na kaibigan ni Paula. Nasa kalagitnaan ng edad treinta at ayon sa kanya ay kumpleto at maligaya siya kahit na nag-iisa.
- Paula - Malapit na kaibigan at katrabaho ng tagapagsalaysay. Kuntento na siya sa kanyang malabong relasyon.
Buod
"Marami ang namatay sa tsunami" ang mantra ng tagapagsalaysay at ng kaibigan niyang si Paula. Ito ay para hindi sila magreklamo kung wala man silang karelasyon ngayon. Magkatulad ang mga gusto ng tagapagsalaysay at ni Paula kaya madali silang magkasundo at lagi silang magkasama. Kahit na may mga kaibigan ding bading si Paul, sa tagapagsalaysay siya pinakamalapit. Isang beses lang nakatagpo ng tipo niyang lalaki si Paula, at ito ay si Simon. Marami silang hindi pagkakaunawaan at madalas silang magaway ngunit ayos na kay Paula ang ganitong estado ng kanyang relasyon. Ang tagapagsalaysay naman ay marami nang nakarelasyon at dati siyang naniniwala na kailangan niya ng lalaki upang siya ay makumpleto dahil sila lang ang makapagpapaligaya sa kanya. Nagsawa rin siya at dahil sa mga naganap na trahedya noong mga nakaraang taon, naisip ng tagapagsalaysay na napakaikli ng buhay at may mas mahahalagang bagay pa sa mundo.
Mga Paksa
- Pagiging kuntento sa buhay - Dahil sa mga trahedyang nagaganap sa mundo, naniniwala ang tagapagsalaysay at si Paul na wala na silang karapatang magreklamo kung sila man ay walang karelasyon
- Pagkakaibigan - Nagkakasundo ang tagapagsalaysay at si Paula sa maraming bagay. Nagdadamayan sila pag may problema ang bawat isa.